【信報】股皇全買過 點解未上岸?

人到中年，股齡非淺。回首前塵，感受應深。狂牛泡沫，每役必與。午夜撫心，可進斗金？

電影「阿甘正傳」中的阿甘，一生奇遇不絕：幼時常被追打，練就摩打快腿，成了大學美式足球明星。越戰服役，屢立戰功，榮受勳章，謁見總統。乒乓外交，出使中國。午夜夢醒，撞破水門醜聞。原著小說更奇：毛澤東渡江遇溺，也是得救於阿甘。

我輩股海闖蕩，經歷何嘗不是波瀾壯闊？九七回歸，中資狂潮，「注資」二字值千金。1999年空頭網站，都值過億，萬事萬物，都是I字、E字行頭。新世紀後， 工業股開花，股神「挑機」中石油（857）；濠賭股崛起、盲抽IPO發達，到後凡有「資源」、「中國」二字之股，皆雞犬升天。後接股神怪招比亞迪 （1211）、新能源、民企、內需、頁岩氣。事後回望，廿年之內，發達機會，如恒河沙數，似唾手可及。但現實中，股市弄人，何其殘酷？

以下場景，是否覺得格外親切？股友茶聚，除了交換「冧巴」，分享最新戰法外，白頭宮女話當年，自是指定動作。戰役無數，遙想當年6元發掘六福（590），已夠 講三日，只恨「放飯」「一粒鐘」太匆匆。望望手錶，急急埋單，齊嘆樓價飆升，換樓無期。心中苦思，「咩股皇無買過，點解仲未上到岸？」

關鍵︰資產泡沫多，黑天鵝事件亦多。

先重溫黑天鵝事件的定義。所謂黑天鵝事件，意指「經驗讓人誤信不可能發生的事件」。打個比喻，有人暴斃，其他人梗會話：「唔係啩？上次見佢，仲好哋哋噃！真 化學！」如果細心去諗，不是長期患病、卧床不起者，一定日日都好哋哋；當「好哋哋」日積月累，人會開始推演：前日好哋哋，噚日好哋哋，今日又好哋哋，即係 聽日都好哋哋啦！低機率事件，就此誤判成零機率、「不可能」發生之事。就像雷曼爆煲前夕，你跟人說，恒指會卅日跌一萬點，正常反應，會是「之前無試過，咁 急跌1萬點，邊有可能？」

查實黑天鵝事件是否出現，同之前好哋哋咗幾耐，以及有無出現過，並無關係。除咗出事嗰日，其餘日子，永遠都是好哋哋。這就是「日防夜防，黑鵝難防」的原因之一。

九七泰銖貶值，金剛鑽似的本港樓市，土崩瓦解，怎能料到？科網股、新經濟如夢如露，納指兩年內得番兩折，誰人估到？沙士襲港，董太化身「幪面超人」，全城措 手不及。以至金融海嘯，華爾街幾近全滅，全是事前難預。查實由滙豐（005）自爆Household中毒，到雷曼倒閉，經歷年半，基金經理以及一眾散戶， 渾然無覺，仍心念極度驚慌，值搏反彈。And the rest is history。

世事無常，應對黑天鵝之法，豈能忽視？世之智者塔雷伯（N. N. Taleb） ，焉能不識？

「百無一用是書生？」．之五

(原載於信報財經DNA)